قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №150

  2015 جىلعى 23 اقپان, استانا قالاسى كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىك وقيعالارىن تەرگەپ-تەكسەرۋ قاعيدالارىن بەكىتۋ تۋرالى «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسى زاڭىنىڭ 4-بابى 3-تارماعىنىڭ 55-17) تارماقشاسىنا سايكەس بۇيىرامىن: 1. قوسا بەرىلىپ وتىرعان كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىك وقيعالارىن تەرگەپ-تەكسەرۋ قاعيدالارىن قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا.اساۆباەۆ): 1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردى ورىنداۋ تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋدى وزىمە قالدىرامىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك «كەلىسىلدى» قازاقستان رەسپۋبليكاسىنىڭ ىشكى ىستەر ءمينيسترى _____________ ك.قاسىموۆ 2015 جىلعى 4 ناۋرىز قازاقستان رەسپۋبليكاسى ينۆەستيتسيالار جانە دامۋ ءمينيسترى مىندەتىن اتقارۋشىسىنىڭ 2015 جىلعى 23 اقپانداعى №150 بۇيرىعىمەن بەكىتىلگەن كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەپ-تەكسەرۋ قاعيدالارى 1. جالپى ەرەجەلەر 1. وسى كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەپ-تەكسەرۋ قاعيدالارى (بۇدان ءارى – قاعيدالار) «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى قازاقستان رەسپۋبليكاسى زاڭىنىڭ (بۇدان ءارى – زاڭ) 4-بابى 3-تارماعىنىڭ 55-17) تارماقشاسىنا سايكەس ازىرلەنگەن. 2. قاعيدالار كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەۋدى جۇرگىزۋ ءتارتىبىن ايقىندايدى. 3. كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەۋدى جۇرگىزۋدىڭ ماق­ساتى ءمان-جايلاردى, سەبەپتەردى, سالداردى بەلگىلەۋ, قاتىستى تۇلعالاردىڭ ءىس-قيمىلىن باعالاۋ, ولاردى بولدىرماۋ بويىنشا شارالار قابىلداۋ, سونداي-اق اۆاريالاردىڭ الدىن الۋ جونىندە ءتيىستى ۇسىنىمدار دايىنداۋ بولىپ تابىلادى. 4. قاعيدالاردا مىناداي ۇعىمدار پايدالانىلادى: 1) كەمەلەردى سۋ باسۋ – كورپۋستىڭ سۋعا تولىق باتۋى نەمەسە كورپۋسقا سۋدىڭ كىرۋى نەمەسە اۋدارىلۋى ناتيجەسىندە جۇزگىش قورلاردىڭ تولىق جوعالۋى; 2) كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالار (بۇدان ءارى – كولىكتىك وقيعا) – كەمەمەن بولعان, ونى اپاتقا جانە تەڭىزدە ءجۇزۋ قاسيەتىن جوعالتۋعا, كەمەنىڭ باسقا كەمەنى (كەمەلەردى), ناۆيگاتسيالىق جابدىق قۇرالدارىن, جانە تەڭىز ينفراقۇرىلىمى وبەكتىلەرىنىڭ زاقىمداۋىنا اكەپ سوقتىرعان وقيعا; 3) تەڭىزدە ءجۇزۋ قاسيەتى - كەمەنىڭ جۇزۋدە پايدالانۋ جاعدايلارىنداعى ارەكەتىن ايقىندايتىن سيپاتتامالارىنىڭ جيىنتىعى: جۇزگىشتىگى, بەرىكتىگى, سۋعا باتپايتىندىعى, جۇرگىشتىگى, باسقارۋشىلىعى; 4) ۋاكىلەتتى ورگان – ساۋدا ماقساتىندا تەڭىزدە ءجۇزۋ سالاسىنداعى باسقارۋدى, سونداي-اق قازاقستان رەسپۋبليكاسى زاڭناماسىندا كوزدەلگەن – سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 5) پورتتىڭ تەڭىز اكىمشىلىگى – ۋاكىلەتتى ورگاننىڭ اۋماقتىق بولىمشەسى. 5. كولىكتىك وقيعالاردى تەرگەۋ ورگانى ۋاكىلەتتى ورگان بولىپ تابىلادى. 6. ساۋدا ماقساتىندا تەڭىزدە ءجۇزۋ ماقساتىندا پايدالانىلاتىن تەڭىز كەمەلەرىمەن, ىشكى سۋ كولىگى كەمەلەرىمەن جانە وزەندە-تەڭىزدە ءجۇزۋ كەمەلەرىمەن سوقتىعىسۋعا بايلانىستى كولىكتىك وقيعالاردى ۋاكىلەتتى ورگان بەكىتكەن زاڭنىڭ 4-بابى 3-تارماعىنىڭ 55-17) تارماقشاسىنا سايكەس بەكىتىلگەن كەمەلەرمەن بولعان اۆاريالىق جاعدايلاردى تەرگەۋ قاعيداسىنا سايكەس ۋاكىلەتتى ورگان تەرگەيدى. 7. پورتتىڭ تەڭىز اكىمشىلىگى كولىكتىك وقيعا تۋرالى مالىمەتتەردى وسى قاعيدالارعا 1-قوسىمشاعا سايكەس نىسان بويىنشا ۋاكىلەتتى ورگانعا, ۋاكىلەتتى ورگاننىڭ ۆەدومستۆوسىنا, ىشكى ىستەر ورگاندارىنىڭ اۋماقتىق بولىمشەسىنە جانە كولىكتىك پروكۋراتۋراعا دەرەۋ حابارلايدى. 8. ناتيجەسىندە ادام ءولىمى نە اۋىر دەنە جاراقاتتارى بولعان كولىكتىك وقيعالار نە كەمەدەن ادامدار جوعالىپ كەتكەن, سونداي-اق كەمەنىڭ تولىق كونسترۋكتيۆتىك قيراۋى, كەمەنى سۋ باسۋى, كەمەنىڭ ناۆيگاتسيالىق جابدىق قۇرالدارىن, تەڭىز ينفرا­قۇرىلىمى وبەكتىلەرىن زاقىمداپ, ولاردى پايدالانۋدان شىعارۋعا اكەپ سوقتىرۋى اۆاريا رەتىندە سىنىپتالادى. 9. وسى قاعيدالاردىڭ 8-تارماعىندا كورسەتىلمەگەن باسقا جاعدايلاردا, كولىكتىك وقيعا پايدالانۋ وقيعاسى رەتىندە سىنىپتالادى. 2. كولىكتىك وقيعالاردى تەرگەۋ ءتارتىبى 10. كولىكتىك وقيعالاردى تەرگەۋ كەمەلەردىڭ ءجۇزۋ اۋدانىنداعى كولىكتىك وقيعالاردىڭ سالدارىن جويۋعا جانە كەمە قوزعالىسىن قالپىنا كەلتىرۋ جونىندەگى جۇمىستارعا كەدەرگى بولماۋعا ءتيىس. 11. كولىكتىك وقيعالاردى تەرگەۋ ۋاكىلەتتى ورگاننىڭ كولىكتىك وقيعانى تىركەگەن ساتتەن باستاپ وتىز جۇمىس كۇنى ىشىندە جۇرگىزىلەدى. 12. ۋاكىلەتتى ورگاننىڭ قىزمەتكەرى كولىكتىك وقيعانى تەرگەۋ كەزىندە كولىكتىك وقيعا بولعان جەرگە كەلگەن سوڭ, زاقىمدالعان كەمەلەر مەن وبەكتىلەردى تەكسەرىپ قاراۋدى جۇرگىزەدى. ۋاكىلەتتى ورگاننىڭ قىزمەتكەرلەرى كەلگەنگە دەيىن, وقيعا بولعان جەردى, زاقىمدالعان كەمەلەر مەن وبەكتىلەردى تەكسەرىپ قاراۋدى ۋاكىلەتتى ورگان اۋماقتىق بولىمشەسىنىڭ قىزمەتكەرى جۇزەگە اسىرادى. 13. ۋاكىلەتتى ورگاننىڭ قىزمەتكەرى كولىكتىك وقيعانىڭ قاتىسۋشىلارىنان جانە كۋاگەرلەرىنەن جازباشا سۇراۋ جۇرگىزەدى, ونىڭ بارىسىندا مىنالار انىقتالادى: 1) شاعىن كولەمدى كەمەنى باسقارۋ قۇقىعىنا كۋالىكتىڭ, شاعىن كولەمدى كەمەگە كەمە بيلەتىنىڭ بولۋىن, شاعىن كولەمدى كەمەنى جۇرگىزۋشىنىڭ ءجۇزۋ ءوتىلى; 2) شاعىن كولەمدى كەمە جۇرگىزۋشىسى وقيعادان كەيىن دەرەۋ ادامدارعا جانە كەمەلەرگە كومەك كورسەتۋ ءۇشىن قابىلداعان شارالارى. 14. ۋاكىلەتتى ورگاننىڭ قىزمەتكەرى كولىكتىك وقيعاعا قاتىسقان كەمەلەردى قاراپ, ونىڭ بارىسىندا مىنالاردى تەكسەرەدى: 1) كولىكتىك وقيعانىڭ الدىن الۋدا جاي-كۇيى ماڭىزدى بولعان كەمە قۇرىلعىلارى مەن اسپاپتارىنىڭ جارامدىلىعى; 2) كورپۋسى جانە ونىڭ سۋ وتكىزبەۋشىلىك جاعدايى; 3) باقىلاۋ-ولشەۋ اسپاپتارىنىڭ كورسەتكىشتەرى; 4) سيگنال وتتارىنىڭ بولۋى مەن ولاردىڭ كورىنۋى. 15. ۋاكىلەتتى ورگاننىڭ قىزمەتكەرى كولىكتىك وقيعا ورىن العانعا دەيىن, ول ورىن العان ۋاقىتتاعى جانە ودان كەيىن كەمەلەردىڭ قوزعالىسى مەن ورنالاسۋىنىڭ سحەماسىن قۇراستىرادى, بۇل رەتتە كولىكتىك وقيعا كەزىندە ورىن العان جاعداي مەن فاكتورلاردىڭ اسەر ەتۋ دەڭگەيىن, اتاپ ايتقاندا: 1) مەتەرەولوگيالىق جاعدايلاردى (كورىنۋ قاشىقتىعى, جەلدىڭ, جاڭبىردىڭ, تۇماننىڭ, تولقىننىڭ جانە باسقا مەتەورولوگيالىق فاكتورلاردىڭ بولۋى); 2) وقيعا بولعان اۋداندا باسقا كەمەلەردىڭ بولۋى جانە ولاردىڭ كولىكتىك وقيعا سالدارىنا اسەر ەتۋىن بەلگىلەيدى. 16. كەمەلەردەگى كولىكتىك وقيعالاردى تەرگەۋدى جۇرگىزۋگە بايلانىستى بارلىق ماسەلەلەر بويىنشا ۋاكىلەتتى ورگان مەملەكەتتىك ورگانداردىڭ, ۇيىمداردىڭ, سونداي-اق عىلىمي ۇيىمدار, ارنايى ساراپتامالىق كوميسسيالار زەرتحانالارىنىڭ قۇزىرەتى شەگىندە ولارمەن تىكەلەي ءوزارا ءىس-قيمىل جاسايدى. 17. كولىكتىك وقيعانى تەرگەۋ مىناداي جاعدايلاردا: 1) كولىكتىك وقيعاعا قاتىسى بار ادامداردا كۇتپەگەن ءمان-جايلار (اۋىرۋ, ءىسساپار جانە باسقا سەبەپتەر) تۋىنداعان; 2) ساراپتاما, تاجىريبە جۇمىستارىن جۇرگىزۋ نەمەسە كەمەلەردى سۋ باسۋىنا, ولاردىڭ قيراۋىمەن بايلانىستى كولىكتىك وقيعانىڭ ءمان-جايلارىن قوسىمشا انىقتاۋ ءۇشىن; 3) مەملەكەتتىك ورگانداردىڭ, ۇيىمداردىڭ, سونداي-اق عىلىمي ۇيىمدار, ساراپتامالىق كوميسسيالار زەرتحانالارىنىڭ, قۇزىرەتى شەگىندە ولاردىڭ قۇجاتتارىن, ماتەريالدارىن جانە قورىتىندىلاردى ۇسىنۋ ءۇشىن ۋاكىلەتتى ورگاننىڭ شەشىمى بويىنشا كۇنتىزبەلىك وتىز كۇننەن اسپايتىن مەرزىمگە ۇزارتىلادى. 18. ساراپتامالىق كوميسسيانى نەمەسە كولىكتىك وقيعالار بويىنشا جەكەلەگەن ساراپشىلاردى ۋاكىلەتتى ورگان تاعايىندايدى. ساراپتاما تاعايىندالعان كەزدە ساراپتامالىق كوميسسياسىنىڭ (ساراپشىنىڭ) الدىنا ساراپتاما جۇرگىزۋ بارىسىندا شەشۋگە جاتاتىن ناقتى ماسەلەلەر قويىلادى, ماتەريالدار ۇسىنىلادى. 19. ساراپشىلار بولىپ جوعارى نەمەسە تەحنيكالىق ارنايى ورتا ءبىلىمى بار جانە كەمىندە 5 جىل پراكتيكالىق جۇمىس تاجىريبەسى بار ادامدار (كەمە جۇرگىزۋشىلەرى, كەمە مەحانيكتەرى, ەلەكتر مەحانيكتەرى, ەلەكتر تەحنيكتەرى, راديو تەحنيكتەر, گيدروتەحنيكتەر, كورابل جاساۋشىلار, پايدالانۋشىلار) جانە جوبالاۋ-كونسترۋكتورلىق ۇيىمداردىڭ قىزمەتكەرلەرى تاعايىندالادى. ساراپتاماعا قاتىسۋ ءۇشىن كورسەتىلگەن ۇيىمدار باسشىلارىنىڭ كەلىسىمى بويىنشا ۋاكىلەتتى ورگاننىڭ ۆەدومستۆولىق باعىنىستى ۇيىمدارىنىڭ ماماندارىن شاقىرۋعا بولادى. 20. ساراپشىلار ءوز مىندەتتەرىن ورىنداۋ كەزىندە: كولىكتىك وقيعالاردى تەرگەۋدىڭ ساراپتامالىق قورىتىندىسى ءۇشىن قاجەتتى ماتەريالدارمەن تانىسادى; كەمەلەردى جانە ولاردىڭ قۇرىلعىلارىن قاراپ تەكسەرۋدى جۇرگىزەدى, كەمە مەحانيزمدەرىنىڭ, جۇيەلەرىنىڭ, قۇرىلعىلارىنىڭ, اسپاپتارىنىڭ جانە باسقا جابدىقتارىنىڭ جۇمىس ىستەۋىن تەكسەرەدى. 21. ساراپشىلار قورىتىندىدا ساراپتامالىق كوميسسياسىنىڭ الدىنا قويىلعان بارلىق ماسەلەلەرگە جاۋاپتاردى كورسەتەدى. قويىلعان ماسەلەگە ەگجەي-تەگجەيلى ءارى تولىق جاۋاپ بەرۋ مۇمكىن بولماعان جاعدايدا ساراپشىلار بۇعان دالەلدى تۇسىنىك بەرەدى. 22. كولىكتىك وقيعانى ۋاكىلەتتى ورگان وسى قاعيدالارعا 2-قوسىمشاعا سايكەس نىسان بويىنشا جۇرگىزىلەتىن كولىكتىك وقيعالاردى تىركەۋ جۋرنالىنا (بۇدان ءارى – تىركەۋ جۋرنالى) تىركەيدى. 23. تىركەۋ جۋرنالى نومىرلەنەدى, تىگىلەدى جانە ول ۋاكىلەتتى ورگاننىڭ مورىمەن راستالادى. 24. تەرگەۋ ماتەريالدارى بويىنشا ۋاكىلەتتى ورگاننىڭ تەرگەۋ جۇرگىزگەن قىزمەتكەرى كولىكتىك وقيعانى سىنىپتايدى جانە كولىكتىك وقيعا تۋرالى دالەلدى قورىتىندىنى جاسايدى جانە ءبىر-ءبىر دانادان ۋاكىلەتتى ورگاننىڭ ۆەدومستۆوسىنا جانە كولىكتىك وقيعاعا تىكەلەي جول بەرگەن قاتىسۋشىلارعا جىبەرەدى. 26. قورىتىندىدا مىناداي مالىمەتتەر قامتىلادى: 1) كولىكتىك وقيعاعا قاتىسۋشىلار تۋرالى قىسقاشا مالىمەتتەر (كەمەلەردىڭ اتاۋى, قۋاتى, قوزعالىس باعىتى, كەمە جۇرگىزۋشىلەر جانە كولىك وقيعاسىنا باسقا قاتىسۋشىلار تۋرالى مالىمەتتەر, ولاردا تەگى, اتى, اكەسىنىڭ اتى, تۋعان جىلى, لاۋازىمى جانە جۇمىس ورنى, شاعىن كولەمدى كەمەنى باسقارۋ قۇقىعىنا كۋالىگى تۋرالى مالىمەتتەر, شاعىن كولەمدى كەمەگە كەمە بيلەتى, جۇمىس ءوتىلى تىركەلدى); 2) كولىكتىك وقيعانىڭ ۋاقىتى جانە ورنى, ناۆيگاتسيالىق جابدىقتىڭ نەمەسە تەڭىز ينفراقۇرىلىمى وبەكتىلەرىنىڭ ورنالاسۋى جانە ولارعا كەمەلەردىڭ قاتىسى بويىنشا جاعدايى; 3) كولىكتىك وقيعا ءمان-جايلارىنىڭ جانە اۋا رايى جاعدايلارىنىڭ قىسقاشا سيپاتى, كولىكتىك وقيعاعا قاتىسى بار كەمە جۇرگىزۋشىلەرى مەن باسقا ادامداردىڭ ءىس-قيمىلى, ولاردىڭ الكوگولدىك, ناشاقورلىق نەمەسە ۋىتتىق ماستانۋىنىڭ بولۋ جاعدايى; 4) كولىكتىك وقيعانىڭ سەبەپتەرى; 5) كەمەلەردىڭ, جۇزبەلى وبەكتىلەردىڭ زاقىمدانۋ ورنىن, مولشەرى مەن سيپاتىن, جاعالاۋ وبەكتىلەرىنىڭ نەمەسە قۇرىلىستارىنىڭ زاقىمدانۋىن, ادامداردىڭ اۋىر دەنە جاراقاتتارىن الۋىن, قازا بولۋىن, كەمەدەن جوعالىپ كەتۋىن سيپاتتاي وتىرىپ, كولىكتىك وقيعانىڭ سالدارى; 6) كولىكتىك وقيعانىڭ سالدارىن جويۋ ءۇشىن پايدالانىلعان تەحنيكالىق قۇرالدار; 7) كولىكتىك وقيعاعا تىكەلەي جول بەرگەن نەمەسە ونىڭ تۋىنداۋىنا ىقپال ەتكەن ادامداردىڭ تىزبەسى; 8) كەمەلەردەگى كولىكتىك وقيعالاردىڭ بولۋىنا ىقپال ەتەتىن سەبەپتەر مەن جاعدايلاردى جويۋ جونىندەگى ۇسىنىمدار. 27. كەمە يەسى, كەمە جۇرگىزۋشىسى قورىتىندىنى العاننان كەيىن تەحنيكالىق جاي-كۇيىن, ودان ءارى پايدالانۋ جانە/نەمەسە جوندەۋ شارتتارىن انىقتاۋ ماقساتىندا ۋاكىلەتتى ورگاننىڭ اۋماقتىق بولىمشەسىنە كەمەنى كەزەكتەن تىس تەحنيكالىق كۋالاندىرۋعا ۇسىنادى. كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەۋ قاعيدالارىنا 1-قوسىمشا نىسان كولىكتىك وقيعا جونىندەگى مالىمەتتەر № اتاۋى مالىمەتتەر 1 كولىكتىك وقيعا جونىندە حابارلاعان ادام (ۇيىم) تۋرالى مالىمەتتەر (كۇنى, ۋاقىتى, ت.ا.ءا, بايلانىس تەل.) 2 كولىكتىك وقيعانىڭ بولعان كۇنى جانە ۋاقىتى 3 كەمەنىڭ تىركەۋ ءنومىرى جانە ءتۇرى, كەمە يەسى, كەمە جۇرگىزۋشىسى 4 كولىكتىك وقيعا ورنىنىڭ كوورديناتالارى 5 كەمە قوزعالىسىنىڭ باعىتى 6 كەمە جۇرگىزۋشىسى مەن كەمەدە بولعان وزگە ادامدار تۋرالى مالىمەتتەر 7 اۋا رايىنىڭ مەتەورولوگيالىق جاعدايى 8 ناۆيگاتسيالىق جابدىقتاردىڭ, تەڭىز ينفراقۇرىلىمى وبەكتىلەرىنىڭ بولۋى 9 بولعان جاعداي تۋرالى مالىمەتتەر (كولىكتىك وقيعانىڭ سەبەپتەرى, كەمەنىڭ, ناۆيگاتسيالىق جابدىقتىڭ, تەڭىز ينفراقۇرىلىمى وبەكتىلەرىنىڭ زاقىمدانۋىنىڭ بولۋى جانە سيپاتى, قازا تاپقانداردىڭ, دەنە جاراقاتىن العانداردىڭ جانە كەمەدەن جوعالىپ كەتكەندەردىڭ سانى, قورشاعان ورتانى لاستاۋ) 10 كولىكتىك وقيعانى باعالاۋعا جانە كومەك كورسەتۋ مەن زارداپتاردى جويۋ ءۇشىن تەحنيكالىق قۇرالداردى تارتۋ قاجەتتىگى تۋرالى شەشىم قابىلداۋعا مۇمكىندىك بەرەتىن وزگە مالىمەتتەر كەمە كىتابىندا مەملەكەتتىك تىركەلۋگە جاتاتىن كەمەلەرمەن بولعان كولىكتىك وقيعالاردى تەرگەۋ قاعيدالارىنا 2-قوسىمشا نىسان كولىكتىك وقيعالاردى تىركەۋ جۋرنالى № كولىكتىك وقيعاعا تارتىلعان كەمەنىڭ (كەمەلەردىڭ) تىركەۋ ءنومىرى جانە ءتۇرى/تيپ ي رەگيستراتسيونىي نومەر سۋدنا (سۋدوۆ), ۆوۆلەچەننىح ۆ ترانسپورتنوە پرويسشەستۆيە كەمەنىڭ مەنشىك يەسى نەمەسە كەمە يەسى (جەكە تۇلعالار ءۇشىن) ت.ا.ءا, تىركەلگەن ورنىنىڭ مەكەنجايى (زاڭدى تۇلعالار ءۇشىن) دەرەكتەمەلەر سوبستۆەننيك سۋدنا يلي سۋدوۆلادەلەتس (دليا فيز. ليتس.) ف.ي.و., ادرەس مەستا پروپيسكي, (دليا يۋر. ليتس.) رەكۆيزيتى كەمە جۇرگىزۋشى (ت.ا.ءا, تىركەلگەن ورنىنىڭ مەكەنجايى) / سۋدوۆوديتەل (ف.ي.و. ادرەس مەستا پروپيسكي) كولىكتىك وقيعا بولعان كۇنى, ايى, جىلى جانە ۋاقىتى/ چيسلو, مەسياتس, گود ي ۆرەميا ترانسپورتنوگو پرويسشەستۆيا كولىكتىك وقيعا بولعان جەر / مەستو ترانسپورتنوگو پرويسشەستۆيا كولىكتىك وقيعانى سىنىپتاۋ / كلاسسيفيكاتسيا ترانسپورتنوگو پرويسشەستۆيا كولىكتىك وقيعانىڭ سەبەبى/ پريچينا ترانسپورتنوگو پرويسشەستۆيا 1 2 3 4 5 6 7 8 كەستەنىڭ جالعاسى كولىكتىك وقيعانىڭ سالدارى / پوسلەدستۆيا ترانسپورتنوگو پرويسشەستۆيا شىعىندار / ۋبىتكي كولىكتىك وقيعاعا قاتىسى بار تۇلعالار / پريچاستنىە ك ترانسپورتنومۋ پرويسشەستۆيۋ ليتسا تەرگەۋدى باستاۋ/ ناچالو راسسلەدوۆانيا تەرگەۋدى اياقتاۋ / وكونچانيە راسسلەدوۆانيا مەرزىمدى ۇزارتۋ تۋرالى مالىمەتتەر / سۆەدەنيا و پرودلەني سروكا پروفيلاك­تيكالىق شارالار / پروفيلاك­تيچەسكيە مەرى باسقا مالىمەتتەر / درۋگيە سۆەدەنيا 9 10 11 12 13 14 15 16 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10712 بولىپ ەنگىزىلدى.